Пејачката Александра Михова веќе е добро позната на македонската јавност и не само поради нејзините восхитувачки вокални способности и впечатливите и уникатни сценски настапи, туку и нејзината сексапилна и шармантна појава со што плени воздишки кај машката публика и восхит кај жените кои ценат добар стил и изглед.
Оваа прекрасна девојка неодамна имавме прилика да ја гледаме секојдневно на малите екрани, неколку месеци, како дел од Првото македонско музичко реално шоу “На иста адреса“, каде Александра ни ја отвори душата и сите ние видовме дека се работи за една емотивна и ретко искрена и несебична девојка, која не освои со нејзиниот беспрекорен карактер, смислата за хумор, и ни покажа дека е човек што знае што значи да се биде пријател во вистинската смисла на зборот.
Александра Михова ќе настапи на првата полуфинална вечер, 8ма по ред на фестивалот Макфест 2016. Текстот на песната е дело на Ксенија Николова, а музиката и аранжманот ги потпишува Андријана Јаневска.
Ние воопшто не се сомневаме дека настапот на Михова ќе биде брилјантен, особено ако на сето ова додадеме дека креацијата која ќе ја носи Михова ќе биде дело на “Atelier By IVA”
Мора да се согласите со нас, дека Михова изгледа феноменално, нели?
You must be logged in to post a comment Login