• Сподели на:

Носите очила? Еве како треба да се нашминкате

___

Доколку сте приморани да носите очила со диоптер, тоа не значи дека треба да се откажете од шминкањето… доволно е само да се придржувате до одредени правила…

Правилно нанесената шминка може да ги истакне очите!!!

Бојата на сенката треба да биде во согласност со бојата на рамките на очилата, како и со бојата на очите и никогаш не смее да шминката да излегува од границите на очилата затоа што така се добива смешен „панда“ изглед.

Преку ден капаците на очите секогаш нека бидат нагласени со посветла сенка, и на тој начин дневната светлината  ќе ги направи Вашите очи попривлечни.

Доколку сте кратко види, Вашите очи под очилата изгледаат помали. Затоа потребно е да користите маскара. Нанесете ја маскарата на трепките во повеќе слоеви и на тој начин трепките ќе станат погусти и подолги ( пазете да не се создадат грутчиња). Потрудете се и линијата која ја повлекувате со алајнерот да биде што понагласена.

Позитивната страна на очилата со диоптер за далекувидите личности е фактот што тој диоптер ги зголемува очите., но истовремено ги истакнува сите неправилности при шминкањето. Затоа потребно е да бидете внимателни , сите потези со алајнерот,  моливчето  да бидат совршено прецизни. Внимателно нанесете ја маскарата, за да трепките останат раздвоени и избегнувајте светликави сенки со примеси на седеф.


Оставете коментар

___