Connect with us

Hi, what are you looking for?

runway

новости и трендови

Еве каде забораваме да ставиме крем за сончање

Сите знаеме дека мораме да користиме крем за сончање и повеќето се придржуваат кон тоа, меѓутоа на одредени места луѓето забораваат.

 

Уши

Кој ќе се сети да намачка крем за сончање и на ушите? Според резултатите на новите истражувања, токму ушните школки се местата каде во третина од случаите се појавува меланом.

 

Очни капаци

Секако дека на нив забораваме кога се вообичаено скриени зад големите наочари за сонце, но сепак ќе треба да ги извадиме тие наочари за да не ни остане бело околу очите. Кожата на капаците е многу нежна и осетлива и треба да се заштити со соодветен крем. Сигурни сме дека не сакате да ви се појават предвремени брчки, бидејќи знаеме дека сончевите зраци го забрзуваат стареењето.

 

Под прерамките

Да, и тие се поместуваат, а можеби и намерно ќе ги симнете за да се исончате подобро. Затоа најдобро е кремот да го нанесете пред да го облечете костимот за капење.

 

Дланки

Тука сигурно ве фативме неподготвени! Дури иако нанесете крем на горниот дел од дланките, гарантирано по мачкањето одите да ги измиете рацете!

 

Усни

Дамите попрво ќе се сетат да нанесат сјај за усни или друга декоративна козметика, отколку балзам со заштитен фактор. Особено внимавајте на горната усна!

 

Пазуви

Секако, кој ќе става крем на и околу пазувите? Дури откога ќе ви се појави црвенило, ќе се сетите дека сте ги подигнувале рацете за време на сончањето…

 

Скалпот

Многу непопуларно место за нанесување крем за сончање, се разбира ако имате коса – ако не, тогаш нема проблем. Дамите би требало да носат шешир или марама, машките со помалку коса би требало да се позанимаваат со мачкање на главата.

 

Горниот дел на стапалата

Дури и кога ќе се сокриете под чадорот, знаете што секогаш ѕирка на сонце? Да, вашите стопала, и тоа вообичаено горната страна. Навреме заштитете се, додека не биде доцна.

 

Кожата зад колената

Да, да, тоа е она место за кое мислиме дека е постојано во сенка, но не е баш така, особено кога сакаме да го сончаме грбот. Немилосрдните зраци паѓаат и на овој дел од телото, затоа заштитете се!

Прочитај

Green Tea

Се разбира, наводнување на растенијата и оптималното ниво на светлина се некои од најважните фактори кои ги одржуваат во живот, но ако сакате да...

Fine Living

Иако е лесно да се придржувате до пропишани мерки како физичка оддалеченост и да носите маска, додека патувате со авион е многу потешко, особено...

Cotton Club

По долгиот годишен одмор, Џенифер Лопез се врати на деловните обврски. Латиноамериканската дива моментално снима видео за нејзината нова песна во Њујорк. Тоа е...

Green Tea

Изложеноста на високи температури и екстремна топлина во текот на подолг временски период може да го постават вашето тело во состојба на прегревање. Ова...