Обликот на веѓите се разликува од личност до личност. Додека една група припаднички на понежниот пол ги прилагодува веѓите на обликот на нивното лице, другите ги оставаат природни со минимално дотерување.
Без разлика на која група и припаѓате, постојат 3 правила за добро обликувани веѓи кои сите треба да ги почитуваат.
Еве за што станува збор…
Правило 1 – Почетокот на веѓите треба да биде во линија со носната коска. Лесно ќе го одредите местото ако поставите моливче или четкичка паралелно на носот до неговиот врв. Точката во која се сече со веѓите е местото каде што тие треба да започнат.
Правило 2 – Лакот на веѓите треба да биде на 2/3 од вкупната должина. Поставете го моливчето така што ќе поминува на средина на зеницата – местото каде што се сече со веѓата е местото каде што треба да биде лакот. Најголема грешка е ако го поставите лакот точно на средината на веѓите. Така ќе добиете облик на виножито кој не одговара на ниту еден облик на лицето.
Правило 3 – Крајот на веѓите треба да биде на замислената точка која ќе ја добиете кога ќе го поставите моливчето од врвот на носот преку надворешниот агол на лицето до линијата на веѓите. Можете благо да ги продолжите веѓите, но тие никако не треба да бидат под точката во која почнуваат.
You must be logged in to post a comment Login