Брајан Милс е познат по своите посебни вештини поради кои претставува тежок противник, а се покажа дека овој лик од филмската франшиза „Taken“ e доволно атрактивен за да излезе како победник и на бокс-офисот.
Според податоците, третиот дел од франшизата „Taken“ со Лиам Нисон во главната улога, за викендот на северно-американскиот бокс-офис успеа да заработи 40,4 милиони долари, со што ја остави конкуренцијата далеку зад себе.
Зад него на втората позиција се наоѓа „Selma“, филм во кој е претставена борбата на Мартин Лутер Кинг за еднакви права. Овој филм веќе го сметаат за претендент за Оскарите, меѓутоа не помина толку успешно на бокс-офисот колку што се очекуваше и за викендот заработи 11,2 милиони долари. На третата позиција пак е остварувањето на Disney, „Into the Woods“ кое оствари заработка од 9,7 милиони долари.
Првите пет позиции на бокс-офисот:
1. „Taken 3″ – 40,4 мил.долари
2. „Selma” – 11,2 мил.долари
3. „Into the Woods” – 9,7 мил.долари
4. „The Hobbit: The Battle of the Five Armies” – 9,4 мил.долари
5. „Unbroken” – 8,3 мил.долари
You must be logged in to post a comment Login