Иако поминаа четири години откако славниот британски креатор нѐ напушти, неговата наследничка Sarah Burton се труди од сезона во сезона тоа да се почувствува во модниот свет и брендот да не ја изгуби онаа оригиналност која му ја даде токму McQueen.
Освен во колекциите, дизајнерката продолжува да ја негува авангардната, готикhaute couture мода и во придружните кампањи, кои се многу впечатливи и поинакви. Во последната Burton одлучи место Kate Moss да се појави Eddie Campbell, а целата кампања да ја фотографира познатиот Steven Klein, која се обиде да ја долови атмосферата од последната ревија, на која моделите шетаа како да излегле од сетот за снимање на некој готик филм.
На фотографиите Eddie е прикажана во мрачен и сонлив амбиент, изгледајќи како сениште кое бесцелно лута, заробено во проколната и напуштена куќа, облечена во готик модели во црна боја, кои изгледаат како земени од бајка. Главниот детаљ е темниот коњ кој е дополнително стилизиран со мрежесто седло и темни, сјајни покривки од плиш и крзно.
You must be logged in to post a comment Login