Модниот дизајнер Lagerfeld, една деценија по неговата последна ревија во Дубаи, неодамна ја претстави новата колекција на Chanel Cruise на ова место. Како што и самиот изјави, градот воопшто не е она на што тој се сеќава. Овој пат за него тоа е сосем нова реалност. Спротивно на тоа, колекцијата што беше претставена остави впечаток на источната егзотика што се носела пред 100 години.
Таа го отсликува начинот на кој Lagerfeld го доживува романтичниот и модерниот Ориент, па затоа и не е чудо зашто токму Дубаи е одбран за нејзиното претставување пред светот. Таму се сретнуваат Истокот и Западот. Доминираа шарени материјали, извонредни текстури и нагласено украсени фустани, аладинови влечки, шалвари и палта какви што само Chanel може да напави.
Поигрувањето со источниот дизајн, позлатувањето и мрежестите украси сепак претставуваат едноставност на стилот кој може да биде интернационален, бидејќи лелеавиот долг фустан во боја на песок има речиси вонвременски гламурозен призвук.
„Светот веќе не е така голем. Оваа облека е за сите жени“, додаде Lagerfeld по ревијата.
You must be logged in to post a comment Login