080 Barcelona Fashion Week: Барселона и Каталонија симбол за креативност

Познатите брендови и модните креатори оваа година ќе ги презентираат своите креации на каталонската писта до 4-ти јули.

Една од светски признатите модни недели во светот, 080 Barcelona Fashion Week, се одржува оваа недела во шпанскиот град Барселона.

Идејата за одржувањето на 080 Barcelona Fashion Week прв пат се реализираше во јули 2007 година за да им се даде шанса на независните дизајнери да се пробијат во светот на модата, како во Шпанија, така и во светот. Денес е многу повеќе од модна недела.

Брендовите кои оваа година ќе претстават своите колекции на 080 Barcelona Fashion Week се Aldomartins, Boboli, Condor, Custo Barcelona, ​​Desigual, Scorpio, Mango, Naulover, Punto Blanco, Slazenger, TCN, Torras и Yerse.

Посетителите ќе може да ги видат и колекциите на модните креатори како што се Isabel Toledo и Manuel Lebor Gabala Cruzcastillo, Albéniz, Brain & Beast, Celia Vela, Georgina Vendrell, Josep Abril, Justicia Ruano, Krizia Robustella, Manuel Bolaño, Martinez Lierah, Miriam Ponsa, Natalie Capell, Oscarleon, Selim de Somavilla, Ssic & Paul i Zazo & Brull.

Adriana Lima и Toni Garrn се само некои од познатите имиња во светот на модата кои ќе ги носат моделите на светски познатите брендови, додека ревиите на каталонските писти ќе ги следат повеќе од 30 новинарски екипи. Покрај ревијата, посетителите ќе можат да купат некои од најновите производи од Аccesorize.

080 Barcelona Fashion Week има за цел да ја претстави Барселона и Каталонија како симбол за креативност и иновација во модната индустрија. Познатите брендови и модните креатори оваа година ќе ги презентираат своите креации на каталонската писта до 4-ти јули.