Од моментот кога бебето ќе стигне дома, многу родители започнуваат за себе да зборуваат во трето лице и се викаат мама и тато.
Наместо таткото да каже „ќе ја викнам Јована“ вели „ќе ја викнам мама“.
Професорката по социологија Лиса Пелерин на Универзитетот во Индијана смета дека родителите во односот спрема децата се поставуваат како јазични тренери.
Тие ги користат термините, кои сакаат да ги користат нивните деца.Зборовите мама и тато лесно се изговараат, а слично звучат и во некои други јазици.
Родителите не користат заменки, бидејќи се премногу апстрактни и ги збунуваат децата. На децата им е тешко да разберат дека една личност има две различни имиња, на пример мама и Јована.
Во моментот кога ќе го усвојат ова знаење, така и родителите со тек на време почнуваат да се ословуваат со имиња.
You must be logged in to post a comment Login