• Сподели на:

Зошто бремените жени имаат мачнини?

___

Речиси сите бремени жени се соочуваат со мачнини кои ги олеснуваме со повраќање. Иако тоа нема да помогне да ги спречите мачнините во организмот, блуењето е всушност добар знак дека вашиот хормонски степен на бременост е висок.

Точната причина за мачнините што се јавуваат за време на бременоста не се познати, но се претпоставува дека тоа е поврзано со хормонот на бременоста кој се нарекува хуман хорионски гонадотропин (hCG). Tој се произведува од клетките што ја градат плацентата (плацентата го храни ембрионот и е залепена за ѕидот на матката) и со естрогенот (кој го контролира циклусот на јајце-клетките). Дури и тироидниот хормон, тироксинот, може да има голема улога во ова.

Чести причини за утрински мачнини се:

Ако очекувате близнаци или тројка може да имате повисоко ниво на хормони во бременоста и да чувствувате поголеми мачнини.

Ако вообичаено страдате од мачнини при патување, поголема е веројатноста да блуете за време на бременоста, а тоа се случува затоа што бременоста е поврзана со нарушен механизам за балансирање во внатрешното уво.

Ако веќе страдате од некоја гастро-интестинална инфекција најчесто предизвикана од бактерија, како Хеликобактери, може да доведе до посериозни мачнини, чиреви и рефлукс киселини во стомакот. Меѓутоа ова може да се испита преку земање на крв и лесно се лекува со антибиотици кои не му штетат на плодот.

Ако сте уморни и гладни кога имате мачнини, тоа може да ја влоши ситуацијата.

Една теорија вели дека вашето зголемено чувство за мирис и гадење претставува заштитна мерка, односно алатка за избегнување на токсичната храна.

Некои доктори уште веруваат дека овие мачнини се предизвикани од стрес и од негативните чувства за време на бременоста. Меѓутоа оваа теорија не е многу популарна бидејќи луѓето имаат спротивно мислење, односно дека утринските мачнини во бременоста го предизвикуваат стресот кај идните мајки.


Оставете коментар

___