Повеќето мајки ги повторуваат фразите коишто ги слушнале во текот на детството од своите мајки, иако кога биле млади велеле дека никогаш нема да го прават тоа – открило истражувањето на страницата Mothercare.
Најчестите реченици коишто се наследуваат се: „Бидејќи јас реков така“, „почекај уште малку па ќе видиш“, „зошто ме прашуваш мене, прашај го татко ти“, „не седи блиску до телевизорот ќе си ги расипеш очите“, „затвори ја вратата не си роден/а на брод“ и „од кафето ќе ти порасне опашка“.
Околу 40% од мајките повторувањето на фразите го доживуваат низ смеа, но две третини од нив признале дека често пати застануваат сред реченица сфаќајќи што прават. Поголемиот број од нив воедно и се плашат што се претвораат во своите мајки. Сепак, жените коишто ги користат овие реченици сметаат дека истите се корисни бидејќи ги дисциплинираат жените.
„Во идеален свет родителите би имале време и сè би им објаснувале детално на децата, но во реалноста ги користат фразите коишто имаат исто влијание како и објаснувањето. Нормално е што родителите ни се инспирација, бидејќи од нив сме научиле што е воспитување“ – изјавила портпаролката на Mothercare, Кристина Мекдермот.
You must be logged in to post a comment Login