Развој на гениталиите кај машките бебиња

Родителите кои имаат машко дете сигурно ги интересира како изгледа развојот на гениталиите и на што треба да припазат. Еве ги најважните прашања поврзани со проблематиката на неспуштени тестиси.

Во процесот на развивање на машките гениталии важно е спуштањето на тестисите. Но, што ако не се спуштат на време?

Кај повеќето од машките деца тестисите се спуштаат уште при раѓањето. Постои мала веројатност да се спуштат дури во шестиот или деветиот месец, ама тоа се случува доста ретко. Ако тестисот не е спуштен после деветтиот месец, потребна е операција. Ако родителите во шестиот месец видат дека тестисот не е спуштен треба да се јават кај уролог или хирург. Тоа е многу важно за на време, од деветтиот до осумнаесеттиот месец да се направи хируршка интервенција.

Што се случува ако проблемот со тестисите не се воочи на време?

Ако хируршката интервенција се обави покасно, може да дојде до пореметување на сперматогенеза, односно стерилност. Треба да се контролира детето заради тоа што касното спуштање на тестисите носи мал ризик од негово малигно оштетување. За среќа, тоа се случува многу ретко. Кога тестисот ќе се спушти, родителите треба да научат како да го прегледуваат, а кога детето е доволно големо да го научат само да се прегледува. Тоа е потребно за да се воочи секоја промена на обликот или големината на тестисите на време да се дијагностицира и да се лечи. Ако родителите не можат сами да воочат промени, или нешто им е сомнително, мора да се посети уролог, Тој че утврди за каков проблем се работи.

Зошто тестисите се движат нагоре-надолу?

Кај некои деца тестисот се спушта во скротумот кога е топло, а се издига во препонскиот канал кога е ладно. Тоа се смета за нормална појава, не го оштетува тестисот и не остава последици, Кога се манипулира со раце, кога седи во топла вода, или кога седи “турски” тестисот се спушта и за оваа појава не е потребно лечење.

Дали во тој случај е потребна хируршка интервенција?

Овие тестиси практично не се оперираат. Кај некои машки тестисите вака “мрдаат” цел живот, кога е ладно, но овие машки имаат нормален спермограм и нормална функција. Нема потреба од грижа, но лекарот треба да го прегледа и да утврди дали за што станува збор. Многу ретко се случува тестисот кој шета да се намали во однос на друигот, спуштен тестис, што исто е индикација за операција.