• Сподели на:

Основа на здравата исхрана за време на бременоста

___

Леб, компири, ориз, тестенини, житарици.

Овие производи ќе ви дадат енергија вам и на вашето бебе, а ќе ви помогнат и при евентуални проблеми со запек и хемороиди, земајќи во предвид дека овие појави се едни од главните проблеми за време на бременоста.

 

Јадете многу овошје и зеленчук.

Целете на разноликост при консумација овошје и зеленчук. Потрудете се во текот на денот да изедете најмалку пет различно и полни оброци овошје и зеленук, за да обезбедите доволно витамини и минерали.

 

Вклучете храна богата со протеини.

Црвено месо, пилешко месо, риба, јајца, грашок, ореви, лешници, бадеми.

Оваа храна е полна со железо, затоа обидете се да изедете барем две порции дневно.

 

Не пропуштајте го појадокот.

Појадокот ја зголемува виталноста, затоа започнете здрав ден за вас и вашето бебе.

 

Јадете многу млечни производи

Млеко, сирење и јогурти. Млечните производи ќе го збогатат вашиот организам со калциум, важен за забите и коските на мајките и бебињата. И, она што е многу важно, купувајте млеко и млечни производи со ниска масленост.

 

Ужината нека биде хранлива

Во првото тромесечје, потребата од ужина е огромна со оглед на тоа што често се соочувате со несвестица. Ужинајте, но сепак погрижете се тоа да биде хранливо. За ужина се препорачува: овошни јогурти со ниска масленост, сусамки, зеленчук, житарици, млечни напитоци, овошно смути и се разбира овошје.

 

Обидете се да јадете по две порции риба секоја недела.

Еден од овие рибини оброци треба да биде мрсен, затоа може да се одлучите за лосос, пастрмка, сардини и сл. Консумирајќи риба на бебето ќе му обезбедите масни киселини кои се есенцијални за развојот на очите и мозокот.

 

Бидете активни и обидете се да одржите здрава тежина.

Во текот на бременоста нормално е да се зголеми вашата телесна тежина за 10-12 килограми. Прекумерното зголемување на телесната тежина може да влијае на вашето здравје и крвниот притисок. Но, исто така не треба да држите диета за време на бременоста затоа што ќе ја ограничите храната за бебето. Затоа, бидете активни, а тоа ќе ви помогне да ја одржите потребната линија и да го подготвите телото за раѓање.

 

Пијте многу вода и други течности

Бремените жени многу побрзо дехидрираат, затоа пијте многу течности, особено вода и пијалоци без шеќер.


Оставете коментар

___