• Сподели на:

Мирисот на бебето е најголем поттикнувач на мајчината нега и грижа за детето

___

Со раѓање на детето се менува мозокот на жената па мирисот на нејзиното дете ги активира оние делови кои се задолжени за рационално размислување и одговорно однесување

Во првите месеци после породувањето мирисот на бебето најмногу им помага на мајките да се соочат со стравовите поврзани со новата улога и грижа околу детето, тврдат јапонските научници од Универзитетот Нагасаки. Тие во експериментот го тестирале мирисот на жената така што на 38 жени им биле покриени очите и ин дале да мирисаат различна облека. Половина од жените биле мајки. Дел од облеката која ја мирисале ја носеле бебиња, дел ја носеле мажи а остатокот од облеката бил чист. Во исто време, научниците го снимале предфронталниот кортекс на мозокот, кој е познат и како центар за рационално размислување. Мајките со 82% точност ја препознале облеката на бебињата, додека оние кои не биле мајки биле прецизни во околу 60% од случаите. Исто така, мајките имало значително поголема активност во предфронталниот кортекс на мозокот.

Кај погодувањето која облека ја носеле мажи, двете групи жени оствариле сличен резултат со точност од околу 74-77%, а слична била и мозочната активност.

– Токму промените во предфронталниот кортекс на мозокот сугерираат како породувањето го менуваат начинот на работа на тој орган. Мирисот на бебето на мајката делува како стимуланс, ги поттикнува на нега и грижа за децата – кажува во својот коментар на студијата психологот Синтија МекВеј од Универзитетот Глазгов.

Неодамна, кададска студија покажа дека мирисот на бебето го поттикнува лачењето на тн. хормон на задоволството, допамин, на сличен начин акко добрата храна или сексот.


Оставете коментар

___