Ако имате бебе и стравувате дека е премногу мало за да се вози со авион, експертите ќе ве утешат со своите ставови.
Доколку детето е здраво и вие сте закрепнале од породувањето, можете да летате и по две недели од породувањето по услов летот да трае не повеќе од два часа.
Предвремено родените бебиња и оние со проблеми со дишењето мора да почекаат малку повеќе пред првото авионско искуство.
Важно е да внимавате на фактот дека постојат ризици од настинки,вируси и грип, бидејќи ќе се наоѓате во затворена кабина, а бебињата кои имаат две недели се далеку поподложни на инфекции одошто 6 месечните.
Доколку го доите, ја намалувате подложноста на инфекции, бидејќи така се снабдува со потребните антитела.
Бебињата главно се непредвидливи посебно во првите две недели, па мајките мораат да имаат на ум дека постои и опцијата од силно плачење кое е безопасно, но им пречи на останатите патници.
Сè на се, експертите тврдат дека авионот не е опасен за новороденчињата, но најдобро е за патувањето да го одложите за 6 месеци, освен ако тоа не ви е неопходно.
You must be logged in to post a comment Login