• Сподели на:

Бакнување на детето во уста: Да или не?

___

Бакнување на детето во уста за некои е убав чин за изразување на нежност и љубов, а за други необичен, па дури и одбивен. Но, што вели науката за бакнувањето помеѓу мајката и детето?

Нежните бакнежи се најдобриот израз на љубов и посветеност кон друга личност. Иако бакнежите во чело, на образите или на рацете на детето се прифатени во целост, многу родители никогаш не ги бакнуваат своите деца во уста и таа навика ја сметаат за чудна и одбивна. Откако глумицата Џесика Алба, мајка на две девојчиња, изјави дека разбира зошто е чудно некои родители да ги бакнуваат своите деца во уста, а општо е прифатливо да им се допушта на куќните миленици да ги лижат нивните сопственици по лице, мајките од целиот свет остро реагираа на овој став.

Жените кои патат од парадолнтални болести и се изложени на предвремено породување и раѓање на детето во помала тежина. Тоа пак значи дека таквите болести може да имаат негативно влијание на новороденчето, а лесно се пренесува и со плунка.

Американската академија за парадентологија ги советува мајките да избегнуваат бакнување на бебињата во уста, бидејќи во устата на новороденчињата не се присутни бактерии кои предизвикуваат расипување на забите и парадонтални болести, а може да се пренесат со едноставни бакнежи во уста. Имено, кога таа бактерија дојде до устата на детето, таа почнува да го претвара шеќерот во храната и пијалоците во киселина која ги уништува забите.

Затоа академијата тврди дека дури и ако само еден член од фамилијата боледува од парадонтални болести, подложни се сите членови бидејќи плунката се пренесува со бакнување, споделување на прибор за јадење, кашлање, кивање и слично. Исто така, со бакнување може да се пренесат и до 500 различни врсти на бактерии, вклучувајќи ги и оние кои предизвикуваат болести на непцата, а само еден бакнеж помеѓу родителите и децата може да ја пренесе таа болест.

Иако возрасните кои се бакнуваат во уста може меѓусебно да си пренесат бактерии, децата се значително почувствителни бидејќи сеуште немаат развиен имунолошки систем.


Оставете коментар

___