Според експертите младите Австријци ќе живеат пократко, во просек, пет години од нивните родители поради неправилнатаисхрана и слабата физичка активност.
ВИЕНА – Австриските деца ќе живеат во просек пет години помалку од нивните родители. Главните причини за ова се: неправилната исхрана и недостатокот на физичка активност. Неодамнешните студии спроведени во ЕУ покажаа дека австриските деца се најдебели во Европа.
Според експертите младите Австријци, и покрај напреднатата медицина нема да ја доживеат просечната возраст на денешните луѓе.
“Само 28 проценти од децата редовно практикуваат физичка активност. Ако нешто не се промени побрзо,ќе биде премногу доцна за се. Постои итна потреба да се воведат повеќе спортски активности во училишната програма “, изјави Петер Клајнман, претседател на Одбојкарската федерација на Австрија.
Според неговите зборови, тој уште пред неколку години сакаше и понуди спортски проекти во училиштата и собра 150.000 потписи како подршка, но до денес не доби разбирање од политичките структури во Автстрија.
You must be logged in to post a comment Login