Добро ни е познато дека читањето отвора сосема нов свет не само кај возрасните, туку и кај децата. Но, да не ги изоставиме и бебињата, тие исто така имаат огромна полза од читањето.
Бебињата го учат говорот и говорните способности додека ве слушаат како зборувате. Кога им читате учат дека индивидувалните гласови работат заедно за да формираат зборови и реченици, преку рецептивниот говор. Всушност студии сугерираат дека бебињата на кои редовно им се чита, почнувајки од шестиот месец имаат речиси два пати поразвиен рецептивен јазик од оние на кои не им било читано.
Како што веќе можеби знаете, мозокот на бебето расте од раѓање па се до некаде третата година. Кога му читате на бебето тоа не само што учи да зборува и го учи текот на јазикот, туку се подобрува и неговиот вокабулар.
Исто така имагинацијата е нешто што не треба да се занемари. Книгите содржат слики, приказни и зборови, кои ја развиваат креативноста и природната љубопитност кај децата. Ова води до подобрени мисловни способности, вклучувајки решавање на проблеми и донесување на одлуки.
Затоа родители, читајте им на вашите деца и помогнете им побрзо да се развијат во интелегентни индивидуи.
You must be logged in to post a comment Login