Не сум сигурна што ќе облечам денес, но сигурна сум дека сакам да ме видиш како ќе изгледам.Сакам да бидам прекрасна пред тебе. Сакам за тебе да го носам новиот фустан и новите чевли и да ја средам косата и да го ставам накитот од тебе, дури и ако одиме на пиво. Тоа што сум со тебе е доволна причина.
Не сум сигурна каде сакам да го поминам слободниот викенд, но сигурна сум дека сакам да бидам со тебе.Не ми е гајле дали ќе одиме некаде или ќе останеме дома, со моите или твоите пријатели. Само сакам да бидам со тебе во омилените тренерки.
Не сум сигурна каква ќе ми биде оваа недела на работа, но сигурна сум дека сакам сè да ти раскажам. Сакам да ти објаснам како течеле сите состаноци,какви глупости сум направила само затоа што сум несмасна, а ти да ме слушаш и да се смееш.Сакам да и го раскажам новиот трач, иако ама баш никако не те засега. Не сум сигурна дека знам за што ќе зборуваме, но едвај чекам да ти се јавам кога ќе помине 4.
Не сум сигурна каква иднина ме чека, но сигурна сум дека те сакам тебе во неа. Сакам да го планирам следниот роденден со тебе, следниот празник до тебе, следното патување…и сигурна сум дека утре сакам да се разбудам до твојата глава на мојата перница.
Не сум сигурна што ќе се случи еден ден со нас, но сигурна сум дека ќе вреди. Не сум најсигурна дека нема да ми го скршиш срцето,но сигурна сум дека покрај тебе се чувствувам жива.
Не сум сигурна дали ме сакаш подеднакво силно, но сигурна сум во мојата љубов.
Сигурна сум дека секогаш, без разлика на тоа каде се наоѓам, ќе помислам на тебе и ќе се насмевнам.
You must be logged in to post a comment Login