Основниот рецепт можете да го збогатите со дополнувања по ваш избор.
Состојки:
1 кромид
2 моркови
3 компири
1 мала тиквица
зеленчук по ваш избор
масло или путер
Подготовка:
На малку маснотија, издинстајте го исчистениот и сецкан кромид, додавајќи малку вода – за добие стаклен изглед. Посолете го кромидот додека се динста.
Излупете го и исецкајте го морковот, а потоа додадете го и пржете го накратко.
Излупете и исецкајте ја тиквицата и издинстајте ја во малку вода, бидејќи ќе испушти многу течност.
Сега истурете литар вода и додадете ги исчистените и на коцки исецкани компири.
Додадете петти вид зеленчук по ваш избор.
Може да биде свежа пиперка (во овој случај, додадете само една, бидејќи нејзиниот вкус и арома се доста силни и ќе ги надмине другите видови зеленчук).
Може да биде грашок, додадете еден грст свеж или замрзнат грашок (во исто време како компирот).
Можете да додадете мала китка карфиол или брокула, како и свежа зелка, која прво добро ќе ја попарите со врела вода.
Кога зеленчукот ќе биде сварен, зачинете ја супата со сув зачин и посипете со бибер и ситно сецкан магдонос.
You must be logged in to post a comment Login