Свечено ви ја претставуваме бананата на стапче – десерт кој го залуде светот!
Понекогаш наједноставните работи се всушност најдобри, а овој рецепт за замрзнат десерт од банана е еден од најдобрите докази за тоа. Имено, на некој генијален човек му паднало на памет да исече банана на неколку дела, да ја набоде на стапче за сладолед, да ја прелие со црна чоколада и потоа сето тоа да го замрзне.
Резултатот е подеднакво вкусен и здрав!
Сè што ви е потребно за овој вкусен десерт се 100 грама темна чоколада и три средни банани. Секоја банана исечкајте ја на три дела и секој дел боцнете го на обично дрвено стапче за сладолед. Ако немате стапчиња, можете да искршите и обични пластични лажички или ножеви наместо рачки.
Ставете ја бананата на стапчето во замрзнувач околу 15 минути за добро да се олади, а во меѓувреме стопете ја чоколадата. Ладните банани потопете ги во стопената чоколада.
Чоколадата ќе се стегне за брзо време, па можете сè да ставите на чинија и повторно во замрзнувач на уште еден час. По желба, украсете сè со исечкани ореви и бадеми.
Едно парче банана на стапче направено по овој рецепт содржи околу 90 калории, нема вештачки шеќери, млеко или засилување на вкусот и е вистинско летно уживање!
You must be logged in to post a comment Login