Најдобрата домашна рецепта за гибаница

Потребни состојки за 6 особи:

500гр кори за гибаница

ЗА ФИЛОТ:

5 јајца

200мл кисела павлака

500гр сирење

Малку сол

3 децилитри кисела вода

ЗА ПРЕМАЧКУВАЊЕ:

20мл масло

0.5 децилитри кисела вода

Припремање на филот

Ставете го сирењето во длабок сад, додадете ги јајцата и мешајќи соединете ги состојките да добиете хомогена маса.

Додате ја павлаката, измешајте и посолете.

Во подготвената смеса ставете кисела вода и постојано мешајте.

Редење на гибаницата

Припремете длабок плех и добро подмачкајте го.

На дното од плехот ставете два листа од корите за гибаница.

Гужвајќи ги корите пополнете го дното на плехот.

Полиете ги згужваните кори со припремениот фил.

Целата постапка со гужвање на корите и полевање со филот повторувајте ја додека не ги потрошите преостанатите состојки.

Постапката завршете ја така што ќе ја прекриете гибаницата со корите кои предходно сте ги оставиле.

Пред печењето премачкајте ја гибаницата со малку масло и кисела вода.

Гибаницата печете ја околу еден час во предходно загреана рерна.