Connect with us

Hi, what are you looking for?

runway

КУЈНА

5 рецепти со јаготки од кои ќе излижете прсти

Јаготките се првата асоцијација дека летото ни е на самиот праг, па сега е периодот кога можете да ги пронајдете на секое ќоше, во секоја продавничка.

5-recepti-so-jagotki-od-koi-ke-izlizete-prsti-01.jpg

Нема ништо повкусно од сочните, црвени јаготки кои се топат во уста.

Во комбинација со чоколадо, крем и тесто, можете да направите фантастични специјалитети за кои сите ќе ви бараат рецепт.

Јаготки со ф’стаци и чоколадо

Состојки:

  • 200g јаготки
  • 100g црно чоколадо
  • Половина шолја ситно сечкани или мелени ф’стаци

Подготовка:

Стопете го чоколадото во мал сад. Јаготките измијте ги, исчистете ги и добро исушете ги. Потопете ги повеќе од половина во чоколадо, а потоа извалкајте ги во ф’стаците. Наредете на хартија за печење во тава и ладете барем 1 час.

5-recepti-so-jagotki-od-koi-ke-izlizete-prsti-1.jpg

Сорбет од јагоди

Состојки:

  • 500g свежи јагоди
  • ¼ шолја шеќер
  • 100g сок од портокал

Подготовка:

Иситнете го шеќерот во блендер, па постепено додавајте ги јагодите. На крајот додадете го сокот од портокал. Смесата добро изладете ја и послужете го сорбетот како топки сладолед, декориран со нане.

5-recepti-so-jagotki-od-koi-ke-izlizete-prsti-2.jpg

Јагоди полнети со Орео

Состојки:

  • 8 Орео колачиња
  • 30g крем сирење
  • 8 големи јагоди
  • 100g црно чоколадо

Подготовка:

Измелете ги Орео колачињата и измешајте ги со крем сирењето додека не добиете густа паста. Јагодите издлабете ги, па наполнете ги со смесата. Врвот каде што се гледа смесата мацнете го во стопено чоколадо. По желба, проросете уште малку измелени Орео колачиња или јаткасти плодови по желба.

5-recepti-so-jagotki-od-koi-ke-izlizete-prsti-3.jpg

Француски тост со јагоди и Нутела

Состојки:

  • 6 парчиња бел леб за тост
  • 1/2 шолја ситно сечкани јагоди
  • ½ шолја Нутела
  • ¼ шолја шеќер во прав
  • Малку путер
  • 1 јајце
  • 2 лажички млеко

Подготовка:

Измешајте го јајцето со млекото. Парчињата леб добро стиснете ги со сукало и исечете им ја корката. Намачкајте со Нутела, ставете јагоди и замотајте ги како палачинки. Зацврстете со чепкалки. Извалкајте ги во јајцето со млеко и пржете неколку минути додека не поруменат, а Нутелата не почне да се топи. Сервирајте со неколку свежи јагоди и проросете со шеќер во прав.

5-recepti-so-jagotki-od-koi-ke-izlizete-prsti-4.jpg

Алкохолен коктел од џин и јаготки

Состојки за 1 чаша:

  • ½ лажичка шеќер
  • ¼ лајм
  • 3 свежи јагоди, 2 исчистени и ситно исечкани, 1 за украс
  • 50ml џин
  • Кисела вода со вкус по желба
  • Свежо нане

Подготовка:

Во висока чаша измешајте ги 2-те ситно сечкани јагоди со шеќерот и врз нив исцедете го лајмот. Почекајте неколку минути да се растопи шеќерот, измешајте, па истурете го џинот. На крајот додајте ја киселата вода и декорирајте со преостанатата јаготка и свежото нане.

5-recepti-so-jagotki-od-koi-ke-izlizete-prsti-5.jpg

 

Прочитај

Uncategorized

2 октомври е најголемиот државен празник на Република Гвинеја. На овој ден, Гвинеја ја прославува независноста од Франција. 2018 е важна година, бидејќи токму...

Совети за Секс и Врска

Ја љубам мојата сопруга и не се срамам да го покажам тоа. Ја сакам наутро, кога е без грам шминка, сонлива и со коса која...

Лице

Сите знаеме дека маскарата не би требало да ја користиме подолго од 6 месеци, колку и да е во добра состојба, а пудрата не...

Совети за Фитнес

Младата студентка Алис Лајвинг пред само година дена се одлучила да живее здраво и со таа одлука се трансформирала во фитнес кралица. Алис имала...