Повеќе од 175 предмети кои некогаш се поврзуваа со легендарната русокоса Мерлин Монро сега ќе им бидат достапни на љубителите на ликот и делото на познатата актерка.
Julien’s Auctions и TCM Present: Icons & Idols Hollywood ќе биде домаќин на заедничка аукција следниот месец, и офлајн и онлајн. Еден од најзначајните предмети на претстојната аукција ќе биде рачно напишана белешка од Чарлс Стенли Гифорд, за кој неодамна со ДНК анализа беше докажано дека е татко на покојната легенда.
„Оваа разгледница е единствениот познат опиплив артефакт што воспоставува врска или комуникација помеѓу Гифорд и неговата позната ќерка. Оваа разгледница ја открив сосема случајно додека ја подготвував личната архива на Мерлин Монро за Julien’s Auctions. Ова е единствениот познат документарен доказ за врската помеѓу Монро и Гифорд, решавајќи ја долгогодишната мистерија дали таа го познавала својот биолошки татко или не“, рече Скот Фортнер, историчар и ко-водител на подкастот „Сите работи на Мерилин“.
Се верува дека Гифорд ѝ ја дала разгледницата на Монро додека била во болница. Артефактот, за кој Julien’s Auctions проценува дека ќе биде продаден за 2.000-3.000 долари, прикажува девојка како стои на музичка нота.
„Драга Мерилин. Оваа забавна белешка доаѓа особено да каже дека моите мисли и желби се со вас секој ден“, напиша таткото, завршувајќи со иницијали и адреса за пошта од Red Rock Dairy Farm во Калифорнија. Монро, чие вистинско име е Норма Џин Мортенсон, како дете немала блиски односи со нејзиниот татко. „Се верува дека Гифорд не сакал да ги вознемири сопругата и децата дозволувајќи и на Монро да биде дел од неговиот живот“, се вели во соопштението за заладените односи меѓу таткото и ќерката.
Покрај тоа, на аукцијата ќе бидат претставени и многу козметички производи: туби за кармин, вештачки трепки, сенки за очи кои некогаш и припаѓале на ѕвездата, како и неколку фустани на Монро – најверојатно нивната цена ќе достигне 80.000 долари.
„Речиси две децении, Julien’s гордо го претставува наследството на најгламурозната ѕвезда во Холивуд, Мерлин Монро. За оваа аукција, соработувавме со TCM за да создадеме колекција која несомнено ќе стане една од најголемите во индустријата. Повеќе од 175 необични предмети пронајдени во нејзината лична архива, како што е единствената позната пишана порака од нејзиниот татко, облеката што ја носеше во нејзините најпознати појавувања на екранот и надвор од екранот, ја обликуваа не само нејзината јавна личност, туку и поп културата. и воопшто стил“, се вели во соопштението на извршниот директор на групацијата Мартин Нолан.
Холивудската аукција на Julien’s Auctions & TCM Present: Icons & Idols ќе се одржи на 17-ти и 18-ти декември во Беверли Хилс, како и онлајн на веб-страницата на аукциската куќа. Оние кои сакаат да учествуваат на аукцијата веќе можат да се пријават.
