До сега сме пишувале за детоксикација на целото тело, на црниот дроб па дури и на љубовниот живот, а денеска ќе ве научиме како да направите детокс третман на вашата коса.
Детоксикацијата на косата ќе ги извлече сите штетни материи кои се насобрани во косата и кои ја прават сува и испукана, а за тоа од голема помош ќе ви биде глината која ќе ви помогне на вашата коса да и го вратите сјајот и волуменот.
Третманот кој ќе ви го претставиме е најефективен за коса која е природно мрсна бидејќи косата неверојатно добро ја чисти од маснотиите, но исто така можат да го применуваат и оние чија коса е сува па дури и по малку виткана.
Освен глината за детокс третманот на косата ќе ви биде потребен и чај од билки кој зависи од бојата на вашата коса.
Доколку имате светла коса сварете чај од мешавина на камилица и коприва додека за темна коса ќе ви биде потребен чај од рузмарин и коприва.
Детокс маска од глина
Состојки:
*1 чаша чај од билки
*1/2 чаша јаболков оцет
*3/4 чаша бентоид глина
*10 капки етерично масло по избор
Изладениот чај и оцетот ствете ги во блендер и полека додавајте лажица по лажица од глината додека не добиете изедначена смеса со густина на јогурт. На крајот додадете од етеричното масло, измешајте и ставете ја смесата во пластично шише.
Маската нанесувајте ја на влажна коса кон врвовите. Оставете да делува 5-20 минути и измијте се со млака вода.
Напомена: Бентонит глината никако не смее да дојде во контакт со метал.
You must be logged in to post a comment Login