Некои од најубавите тропски дестинации се наоѓаат на обалата на маѓичното Андаманско море, а југоисточна Азија со брзина на светлината ги освојува срцата на светските патници, ветувајќи убаво време, величенствени плажи, фантастична кујна и целосна приватност…
Модерниот и шик Casa De La Flora хотел се наоѓа во Као Лаку на Тајланд, и преставува еден од беспрекорните луксузни хотели кои ќе ви ветат дел од рајот на земјата и се останато што е потребно за еден незаборавен годишен одмор.
Интересен факт и фасцинантен аспект на ова одморалиште со 36 вили е неговата чиста и добро дефинирана линија, со постмодерни апартмани кои ги карактеризира геометријска убавина. Тешко е да се креира ентериер кој одговвара на убавиот океан, опуштената плажа и спокојниот залез на сонцето и величенствените моменти, но ова одморалиште дефинитивно го има постигнато тоа.
Комбинација на приватност и врвна услуга, заедно со супериорните забавни и технички погодности, овој хотел станува совршена дестинација. Од Studio Pool вили, до Casa Pool апартмани и Royal Casa Presidential апартман, секој дел од хотелот ви дава можност да уживате во единствениот раскош благодарение на помпезниот ентериер, величенствениот поглед кон океанот и базените.
Хотелот исто така ви нуди и широка палета на активности на оторено, кои ќе ви дадат можност најдобро да го искористите слободното време. Исто така, во понудата стои и фантастичниот спа центар, заедно со одличниот ресторан и шампањ бар.
