„Иконата на морето“ е пет пати поголема од „Титаник“, изградена е во Финска и ја чинеше компанијата Royal Caribbean две милијарди долари.
На социјалните мрежи го нарекуваат монструозен крстосувач, пловечки град, кој со својата тежина од 250 илјади тони и должина од 365 метри официјално е најголемиот, најтежок и најдолг брод во историјата на навигацијата. За споредба, „Иконата на морето“ е пет пати поголема од „Титаник“, изградена е во Финска и ја чинела компанијата две милијарди долари.Овој џиновски крстосувач може да превезува 7,6 илјади патници и 2,3 илјади членови на екипажот, а неговиот вкупен капацитет е приближно десет илјади луѓе. Бродот го има најголемиот воден парк во светот на море со шест тобогани, седум базени,а покрај сцената за настапи и тераса со базен наречен ‘chill island‘ , има и бар каде може да се плива.
Тестирање на навигација
Има повеќе од 40 ресторани, барови и ноќни клубови и 20 палуби. Исто така, постојат различни начини на кои патниците можат да престојуваат на „Ikon“, бидејќи нуди сместување за семејства од три, четири, пет и повеќе лица, како што се Family Infinite Balcony и Surfside Family Suite, кои имаат детски соби одвоени од оние за возрасни. Според Royal Caribbean, бродот за крстарење ги завршил своите први морски испитувања во Финска, каде што повеќе од 450 експерти учествувале во тестирањето на механиката на бродот цели четири дена. Сега има втор круг тестови на отворено море, а доколку нема непредвидени ситуации, „Иконата на морето“ ќе исплови со првите патници од пристаништето во Мајами во јануари 2024 година.
