Пристапот во овој дел од Црна Гора ќе биде отворен само за специјалните гости
Најдобриот српски и вториот тенисер во светот, Новаќ Ѓоковиќ, и неговата вереница Јелена Ристиќ овој викенд ќе се венчаат на Св. Стефан, поради што пристапот до таму ќе биде затворен.
Новак и Јелена се верија минатата година во септември, сега очекуваат принова, па затоа одлучија овој викенд деветгодишната врска да ја крунисаат со брак. Венчавката ќе се одржи во едно од најубавите летувалишта во Црна Гора, кое од истата причина во текот на наредните денови ќе биде затворено.
Пристапот до Св. Стефан ќе биде отворен, но само за специјалните гости кои имаат покана од младенците.
Се зборуваше дека кум на Ноле ќе му биде британскиот тенисер Енди Мареј, а како гости на свадбата ќе присуствуваат и Јанко Типсаревиќ, Виктор Троицки, Ненад Зимоњиќ, Ана Ивановиќ, Јелена Јанковиќ, Марија Шарапова, Борис Бекер…
You must be logged in to post a comment Login