• Сподели на:

Сигурно барем еднаш сте пиеле чај од камилица!

___

Оваа лековита билка е најчестиот избор кога сакате да се напиете чаша топол чај, особено за време на настинка и грип. Нејзините лековити својства биле познати од античките времиња, најчесто ја пиеме кога имаме проблеми со стомакот. Но, листата на лековитите ефекти на камилицата е прилично долга.

Чаша чај од камилица на ден може да го намали ризикот од рак, сметаат истражувачите од Државниот универзитет во Охајо, бидејќи содржи молекули апигенин кои можат да го спречат ширењето на клетките на ракот.

Помага кај надуеност, дијареа, осип, херма и други болести на желудникот, во случај на проблеми или недостаток на менструација и други симпроми на болки во стомакот, несоница, епидидимитис, температура, болни рани и забоболки. Камилицата помага во потењето, ги намалува болките, смирува грчевите, дезинфицира и делува анти-воспалително, особено на мукозните мембрани. Се користи и за облоги и миење на вопалените очи, воспаление на конјунктивата, кај осипи на кожата кои предизвикуваат чешање, за гаргара кај забоболка и испирање на рани, но и за смирување.

Постојат повеќе видови на камилица, а најлековити се римската и германската камилица. Истражувањата покажале дека камилицата поради нејзиното анти- воспалително дејство може да биде ефикасна против стафилококи и кандида. Цветовите на билката содржи неколку органски соединенија кои ги ублажуваат менструалните болки.

Ако камилицата ја прелиете со топла вода, се ослободува соединение кое ги олеснува симптомите а поленска треска, астма и чиреви и дејствува анти-алергиски и против температура, а антиоксидансите од камилицата ја штитат кожата од УВ зрачење. Исто така, помага при акни, различни иритации, осип и други проблеми со кожата, особено гнојни рани.

За камилицата велат дека ќе ја оживее секоја градина, па дури и болните растенија, па посадете ја покрај билките на кои им е потребна ‘посебна нега’.


Оставете коментар

___