Сами, на мошне едноставен начин, тестирајте го здравјето на вашето срце!

Ова едноставно тестирање кое ќе го направите во домашни услови ќе ви помогне да го одредите ризикот од појава или присуство на срцеви болести.

Ако забележите нешто што ќе ве вознемири, обратете се на лекар и потоа следете ги неговите совети. Еве како, мошне брзо и едноставно да го тестирате здравјето на своето срце.

Обем на половината

Големиот стомак е темпирана бомба. Жените чија половина е поголема од 88 см имаат 79% поголем ризик од  предвремена смрт поради многу причини, срцеви болести и рак, од оние со обем 71 см или помал. Поставете го метрото на најширокиот дел од половината, обично тоа е во близина на папокот. Мажите можат да си дозволат 5 см повеќе.

Пулс во мирување

Оваа вредност е добар показател на состојбата на срцето. Наутро пред да станете од кревет, најдете го пулсот на рачниот зглоб и измерете колку откуцувања имате во минута.

Над 80 во минута, не е добро

60 – 80 добро, нормално

Пулсот под 60 и над 80 може да е знак за дехидрација или медицински проблеми како болест на штитната жлезда или анемија. Исклучок се професиналните спортисти. Маратонецот има минимален пулс од 40 – 50 во минута, а спортската медицина забележала и некои екстремни вредности. Срцето на еден од најдобрите велосипедисти, Еди Мерскс во состојба на мирување имало пулс 25 во минута.

Пулс после напор

Колку побрзо вашето срце се враќа во нормала после вежбање, толку е поздраво. Ако пулсот не се намали барем за 12 откуцувања во една минута после вежбање, имате зголемен ризик од појава на срцеви болести па дури и смрт.

Вежбајте напорно 5 минути, застанете и веднаш измерете го пулсот. После една минута, повторно измерете го пулсот. Одземете го последниот број од првиот.

Пулсот се намалил помалку од 12 – лошо

Пулсот се намалил повеќе од 12 – добро