Природни препарати за лузни, стрии и изгореници

КОКОСОВО МАСЛО
Масните киселини од кокосовото масло делуваат како јак антиоксиданс. Ова масло има антибактеријско дејство, ја смирува надразнетата кожа, ја обновува и ја штити од слободните радикали, па делува и превентивно против стрии.
Примена: Со кокосово масло неколку пати во текот на денот мачкајте ги оштетените делови на кожата.
СОК ОД МОРКОВИ
Морковите изобилуваат со витамин А, кој ги исцелува лузните, витами Ц кој ја негува и храни кожата, и бета каротен кој ја штити кожата и дава свежина.
Примена: Во сок од моркови ставете лажиче морска сол и нежно масирајте ја лузната. Оставете да се исуши па измијте со млака вода.
АЛОЕ ВЕРА
Моќна билка која продира и во најдлабоките слоеви на ткивото, го забрзува исцелувањето на раните, изгорениците, го стимулира создавањето на новите келии на кожата, ја смирува и ја хидрира.
Примена: Земете еден лист од Алое Вера и со сокот од листот намачкајте ги лузните. Оставете да се исуши, без миење.
МАСЛО ОД ЛЕШНИК
Ова масло ја хидрира, обновува и ја храни кожата. Освен тоа, ги ублажува стриите, црвенилото и испуканите капилари на кожата. Брзо продира во кожата, ја тонира и ја затегнува и натој начин ја одржува нејзината еластичност и чврстина.
Примена: Секој ден со маслото намачкајте ги оштетените места на кожата.
МАСЛО ОД ВИТАМИНОТ Е
Делува како антиоксиданској го спречува формирањето на слободните радикали на кожата и ја штити од оштетување и стареење. Делотворно е кај изгореници, лузни и стрии.
Примена: Маслото нанесете го на оштетените делови од кожата и оставете го да упие. Наместо масло, можете да користите и витамин Е во капсули.