• Сподели на:

Научи да ја сакаш здравата храна!

___

Замислете колку би било полесно здраво да се храните кога, на пример, наместо чоколадо би ви се јадело спанаќ? Стручњаците велат дека возможно да го „истренирате“ мозокот и на тој начин навистина да ја засакате здравата храна!

Но сепак, тоа нема да може да постигнете преку ноќ …

Истражувањето на американски стручњаци од универзитетот „Тафс“ од Бостон покажало дека доколку во период од шест месеци конзумирате здрава храна, мозокот ќе почне послабо да реагира на слики од висококалорични намирници. Тоа значи дека после половина година внесување здрава храна, нема толку да ви се јаде плескавици, помфрит, грицки…

За потребите на студијата, формирана е контролна група од пет волонтери, кои не ги менувале своите навики во исхранаа, а осум учесници се придржувале кон строг режим на исхрана – јаделе само намирници кои содржат доста хранливи влакна, а малку масти.

Авторите на студијата ги скенирале мозоците на учесниците во истражувањето и тврдат дека после шест месеци здрава исхрана, мозокот не реагира на висококалоричните намирници. Со други зборови, овие учесници не чувствувале потреба за внесување нездрава храна во организмот, бидејќи мозокот реагирал на здравата храна

Стручњаците нагласуваат дека студијата е мала за да можат да дадат конечен заклучок, но дека ги охрабрува фактот што мозокот не е целосно немоќен кога станува збор за брзата храна и висококалоричните намирници.


Оставете коментар

___