• Сподели на:

Како да се ослободите од вртоглавицата

___

Вртоглавицата е кога имате чувство дека вие или вашата околина се движи, а всушност не постои вистинско движење. Тогаш може да имате проблем со одењето или стоењето и да изгубите рамнотежа и да паднете.

Вртоглавицата не е пријатно чувство, а може да го наруши вашиот секојдневен живот.

Еве неколку совети што да направите кога имате вртоглавици:

 

  • Најдете фокусна точка веднаш штом ќе почувствувате вртоглавица. Ако се чувствувате зашеметено, седнете, легнете или застанете и фокусирајте се на некој објект на зидот или на парче мебел. Не движете се, се додека не ја повратите рамнотежата на телото. Брзото и нагло движење може да предизвика опаѓање на крвниот притисок.
  • Некои лекови може да предизвикаат вртоглавици. Затоа ако земате некои лекови, проверете дали тоа може да биде пропратен ефект од лековите. Ако мислите дека вашето чувство на вртоглавица, е предизвикано од вашите лекови, зборувајте со вашиот доктор за нус-ефектите, алтернативни лекови, како и за можност за промена на вашата доза.
  • Променете ја вашата исхрана за да ги намалите вртоглавиците. Кофеинот, алкохолот и цигарите можат да предизвикаат вртоглавици, затоа бидете внимателни со нивната употреба. Вештачките засладувачи и премногу слатка или солена храна исто така може да влијае на способноста на вашето тело да ја одржува рамнотежата.
  • Пијте вода за да се ослободите од вртоглавиците. Дехидрацијата е многу честа причина за вртоглавица, особено за време на вежбање, во топлото време и при  големи температурни разлики. Бидете свесни за ситуации каде што ќе може да станете дехидрирани за кратко време (потење, конзумирање на алкохол, губејќи телесни течности при болест).
  • Посетете лекар што е можно поскоро ако имате чести или долготрајни вртоглавици, или ако почувствувате вртоглавица заедно со некој од следниве симптоми: губиток на свест, тешкотии при одење, слабост во нозете или рацете, тешкотии при зборување, гледање, вкочанетост, силна главоболка, силна болка во увото, висока температура, болка во градите.

Оставете коментар

___