5 домашни трикови со кои ќе се ослободите од жуљевите

Жуљевите претставуваат навистина досадни и болни рани кои во голема мера ни ја намалуваат желбата за пешачење.

Доколку сакате побргу да се ослободите од нив постојат неколку начини кои веројатно ги имате и по дома.

Ова се 5 работи кои ќе ви помогнат во заздравувањето:

1. Гелно стикче за под пазуви

Жуљевите се јавуваат и опстојуваат како резултат на триењето и влажноста на стапалата, посебно кога истите се случуваат при носење на нови чевли.

На чиста и сува кожа нанесете малку од стикчето за под пазуви, бидејќи така ќе го намалите триењето на стапалата од чевлите.

2. Фластер

Фластерите претставуваат уште еден добар начин како да ги излечите жуљевите на стапалата или воопшто да ја спречите нивната појава, посебно при носење на нови чевли.

Доколку се појавил некој жуљ, внимавајте како го нанесувате фластерот. Оставете мал простор меѓу самата рана и газата од фластерот, за да може слободно да навлегува воздух во тој простор.

Раните подобро и побргу зараснуваат кога се во контакт со кислородот од воздухот.

3. Зелен чај

Зелениот чај има антисептичко и антиинфламаторно дејство па со него раните побргу зараснуваат.

Сварете малку зелен чај и во него додадете сода бикарбона. Смесата нанесете ја на газа и истата ставете ја на површината каде се наоѓа жуљот.

4. Јаболков оцет

Внимателно, бидејќи оцетот може да ве пече, но вреди да го испробате бидејќи има антибактериско својство и спречува било каква можност за појава на инфекции.

Измешајте еднаков дел на оцет и вода и течноста нанесете ја на газа, а потоа нежно тапкајте со газата на раната.

5. Рицинусово масло

Со овој тип на масло жуљот побргу ќе се исуши и излечи. Доколку сакате уште повеќе да го забрзате процесот, можете да додадете малку јаболков оцет во размер 2:1.