• Сподели на:

Вежбајте како Шакира: Личниот тренер на латино дивата ги открива тајните на нејзиниот добар изглед

___

Шакира, без сомнежи е една од најзгодните поп ѕвезди на денешницата. Покрај тоа што е окупирана со работа на новиот албум и останатите деловни обврски, таа е и мајка, но сепак посветува многу време и на физичката активност. Нејзината совршена линија и затегнато тело го докажуваат тоа.

Пеачката го ангажираше личниот тренер Ана Кајзер, фитнес инструкторка од Њујорк, која ѝ помогна да се врати во топ форма по пораѓањето.

“Да се истрае во вежбите е најголем предизвик на секоја жена”, вели Кајзер. “Шакира работи многу напорно. Со што и да се занимава, таа секогаш дава сè од себе.”

Во интервјуто за магазинот “Shape”, Ана Кајзер ги откри тајните кои ѝ помогнаа на Шакира да ја врати својата витка линија.

Дневна рутина

“Почнавме со два тренинзи од по 30 минути. Еден наутро и еден навечер. Метаболизмот работи побрзо во втората половина на денот. По шест неделни, должината на едниот тренинг се зголеми за цел час”.

Видови на физички вежби

“Тоа зависи од местото каде се наоѓа во моментот. Таа сака да ги комбинира вежбите и да се занимава со спорт како тенис и сквош. Еден тренинг може да се сосстои од микс на балет и класични вежби, од комбинација на кик-бокс или пилатес”.

Диета

“Во латиноамериканската кујна преовладува храна со висок гликемичен индекс и оброци со големи количини месо. Препорачувам помали оброци во текот на денот. Еден оброк би требало да има 200-300 калории, а во текот на денот треба да има 5-6 оброци. Овие оброци ќе ви помогнат да го подигнете нивото на енергија ако вашиот животен стил е таков што не ви остава многу време за спиење и одмарање”.

Менито на Шакира

“Еден од оброците може да содржи варено пилешко во големина на една рака, зелени салати испрскани со сок од лимон, моркови, краставици, домат и целер. Друга опција е шолја и половина семиња киноа (растение од Јужна Америка) и мешан зеленчук. За ужинка може супа од зеленчук во која се ставаат семки од тиква и маслиново или ленено масло. Шакира обожава портокали и бадеми”.

Како да се вратите во форма по бременоста

“Многу е важно да почнете со лесни тренинзи и полека да го зголемувате нивниот интензитет. Почнете така што ќе дишете со помош на дијафрагмата. Така повторно ќе ги разработите стомачните мускули. Кардио вежбите би требало да се лесни на почетокот. Постепено зголемувајте го интензитетот. Интервалниот тренинг е одличен начин да споите кратки вежби на телото и кардио вежби. Дури може и да вежбате јога во паузите помеѓу интервалниот тренинг”.

 


Оставете коментар

___