Тренинг за мрзливи: Вежби во кои треба само да мирувате

Овие вежби за кои не мора да вложите многу напор, ќе ви помогнат да ја почувствувате леснотијата на телото и ќе ве наполнат со енергија, истовремено совршено тонирајќи ја вашата фигура.

Главниот трик е што не мора воопшто да мрдате, односно задолжително е да останете мирни.

Задржете го телото во дадената положба 15-30 секунди и повторувајте ги вежбите најмалку 4-5 пати неделно и резултатите нема да изостанат.

1. Крила на пеперутка

Легнете на грб. Со двете колена во полусвиткана положба, кренете го долниот дел од грбот потпирајќи се на ѕидот со десната нога. Ставете ја левата нога врз десната и поставете ги рацете на стомакот. Повторете со левата нога.

2. Ветерница

Ставете ги дланките на стомакот. Допрете го ѕидот со задникот за да постигнете баланс и кренете ја десната нога вертикално нагоре држејќи ја левата колку што можете подолу. Повторете со левата нога.

3. Поздравување

Кренете ги двете нозе на ѕидот, држејќи ги исправени и со прстите свртени нагоре. Кренете ги лесно само рацете и рамената од подот. Кренете ја десната рака и држете ја права, така што ќе покажува кој стапалата. Спуштете ја левата дланка на стомакот. Повторете со левата рака.

4. Ножички

Кренете ги двете нозе без да ги виткате во колената. Потпрете ја десната нога на ѕидот и повлечете ја левата нога нанапред потпирајќи ја половината со рацете. Повторете со левата нога.

5. Мост

Легнете на подот со исправени раце и дланки свртени надолу. Со врвовите на прстите треба да го допирате ѕидот. Ставете ги стапалата на ѕидот колку што можете повисоко и пренесете ја тежината на нив, тегнејќи ги мускулите и кревајќи го грбот од подот.