• Сподели на:

Какви вежби ви одговараат според крвната група?

___

Велат дека секоја крвна група има одредени физички активности кои ѝ помагаат да одржува нормална тежина и здравје.

kakvi-vezbi-vi-odgovaraat-spored-krvnata-grupa-01.jpg

Што треба да вежбате според крвната група?

Крвна група 0

На оваа крвна група ѝ одговараат фитнес и напорни физички вежби. Имате изразена свест за своите животни цели, сакате спорт и тренирате до изнемоштеност.

Физичкиот напор ви одговара, а ако го немате, станувате потиштени и почнувате да се дебелеете.

Бидејќи важно ви е да бидете лидер, вредно вежбате и се трудите да постигнете големи резултати.

За вас, идеални вежби се оние кои се прават во група како, аеробик, степ-аеробик, вежби за обликување на телото и боречки вештини.

Крвна група А

Вас ви одговараат тимски спортови. Одлично се согласувате со колегите, умеете да го решите секое недоразбирање и не навивате само за себе, туку и за другите околу себе.

Не ви одговара да вежбате сами, а посебно сте стимулирани кога тренирате со пријателите и колегите.

Ако започнете да вежбате сами не издржувате и брзо се откажувате.

Ви одговара јога, пливање, гимнастика, брзо одење, возење велосипед, ролери и лизгање.

Крвна група B

Личностите кои припаѓаат на оваа крвна група се изразени индивидуалци.

Во спортот, како и во животот се непредвидливи и се однесуваат онака како што им одговара.

Може да се случи во пресудниот момент да оставите сè. Едноставно вие уживате во самотијата.

Вам ви одговараат спортови во кои можете да вежбате сами, но и во група. Идеално би било ако ги комбинирате и двата начина на вежбање.

На пример, во група да вежбате јога, а да џогирате сами.

Крвна група AB

Мал број на луѓе припаѓаат на оваа крвна група и сите се урамнотежени и смирени, а реакциите често им се бавни.

Им одговараат спортови кои бараат брзи рефлекси и реакции.

Сакаат да се движат и внимаваат на својата форма, а најдобро им одговараат долги прошетки.

Вежбајте на отворено, на свеж воздух.


Оставете коментар

___