Не мора да се мачите и да правите бесконечен број на стомачни за да добиете рамен стомак. Всушност, ја пронајдовме најлесната вежба за постигнување рамен стомак, а најдоброто е тоа што фитнес експертите тврдат дека е поделотворна и од тешките стомачни.
Тајната на оваа вежба која се вика „вшмукување на стомакот“ не може да биде поедноставна – само мора правилно да дишете.
„При оваа вежба, со дишење се активираат и зајакнуваат најдлабоките абдоминални мускули така што едноставно создавате контракции,“ објаснува Рик Стурла – личен тренер во британскиот центар за здрав живот Results Health & Performance.
Ако ја правите правилно, ќе го зајакнете целиот среден дел од телото и ќе го стабилизирате ‘рбетот – што ќе ја отстрани болката од долниот дел на телото и ќе ви го подобри држењето. Ваквата техника на длабоко дишење и „вшумукување“ на воздухот од стомакот е дел од пилатесот и јогата, но можете да ја правите одвоено од тие видови вежби.
1. Штом се разбудите (би било идеално на празен стомак и додека сте сѐ уште во кревет) легнете на грб со свиткани колена и стапалата потпрени на душекот. Вдишете и издишете длабоко и вовлечете го стомакот толку силно што ќе сакате папокот да го „залепите“ за ‘рбетот. Колку повеќе го вовлечете стомакот толку е посилна контракцијата и делотворноста.
2. Задржете го стомакот вовлечен барем на 15 секунди за почеток, а како напредувате продолжувајте го траењето сѐ до 60 секунди, по потреба земајќи и испуштајќи плитки воздишки. Повторете 3 до 5 пати.
3. Кога сте подготвени за потешката верзија, правете ја вежбата клекнати на колена и на дланки, седејќи исправено на столче или на топка за пилатес.
Ако редовно ја изведувате оваа вежба за рамен стомак, се храните здраво и притоа вежбате со вашиот вообичаен тренинг, резултатите ќе ги воочите за дури 2 недели.
You must be logged in to post a comment Login