Тест: Дали вашето дете е левак?

Ако се двоумите за тоа дали вашето дете е левак или деснак, обидете се да ја решите оваа дилема со помош на овие кратки тестови. Резултатот, всушност и не е битен, бидејки ова воопшто не влијае на развојот или на среќата на вашето дете. Најважно е да се забавувате додека ги правите тестовите.

Тест бр. 1

Дадете му на вашето дете да ги направи овие едноставни задачи, а вие внимателно следете како ќе се одвиваат. Кажете му да детето:

• Да плесне со рацете како да е на концерт. Леваците обично поизразито плескаат со левата рака, додека десната помалку ја движат додека го прават тоа.
• Да ги соедини рацете и ги испреплетка прстите. На која рака палецот е горе? Кај леваците, се разбира, левиот палец е горе.
• Да нацрта цвет. Во која рака вашето дете ја држи боичката.
• Да земе топче и го фрли нагоре. Со која рака детето ќе ја одфрли топката?
• Да отвори една книга на било која страница. Со која рака ја држи книгата?
• Да си ги исчетка забите. Во која рака ја држи четкичката?

Ако одговорот на повеќето прашања е: со левата рака, тогаш најверојатно вашето дете е левак.

Тест бр.2

Но, прашањето не се однесува само на тоа со која рака детето ќе пишува, туку и преферирањето на едната страна во однос на другите парни органи кои ги користиме. Во овој тест ќе дознаете која страна вашето дете повеќе ја користи.

• Кажете му да се почеша по грбчето. Со која рака ќе го направи тоа.
• Нека ви намигне. Со кое око намигнува?
• Нека ги стави рацете на грб и нека ја фати едната рака со другата. Која рака ја држи другата рака?
• Кажете нешто многу тивко, а детето нека ви се приближи за да ве чуе подобро. Со кое уво ќе се доближи за да чуе?
• Нека ја навали главата на едно рамо. На која страна ќе се навали?
• Кога ја шутира топката, со која нога го прави тоа?

Тест бр.3

На масата ставете коцки, кои ќе бидат еднакво оддалечени и од левата и од десната рака. Замолете го детето да ги стави една врз друга. Обрнете внимание на тоа која рака ја користи. На почетокот може да користи и двете рачиња комбинирано, но колку пирамидата ќе станува повисока толку повеќе ќе ја користи онаа рака која му е посигурна и постабилна.