Состојки:
4 белки
· 1 лажичка екстракт од ванила
· 1/4 шолја од 250 мл., или малку повеќе мед
· 1/4 шолја какао прав
· малку морска сол
· 2 шолји кокосово брашно
За прелив:
· 130 гр. чоколадо за готвење, темно или млечно, по избор
· 1 лажичка кокосово масло (или обично растително)
Загрејте ја рерната на 180C. Земете една тава со приближни димензии од 11×21 см и обложете ја со хартија за печење. Во соодветен сад изматете ги белките со миксер за да добиете мек снег, додадете го медот и ванилата и продолжете да матете додека не добиете цврст снег. Додадете го какаото и трошка сол и продолжете да матете, па постепено додадете го и кокосовото брашно и добиената смеса потоа распоредете ја во тавата. Ставете ја во загреарната рерна и печете околу 25 минути или малку повеќе (проверете со чепкалка за заби – забодете ја во тестото и ако ја извадите чиста, тоа значи дека тестото е испечено). Извадете ја тавата од рерната и оставете ја тестото целосно да се олади.
Стопете ги чоколадото и маслото на пареа па нанесете го добиениот прелив на оладеното тесто. Оставете во фрижидер за чоколадото да се стврдне и потоа исечете на 8 или повеќе коцки, само внимателно бидејќи коцките од кокос се прилично осетливи.
You must be logged in to post a comment Login