Не сите бебиња лесно прифаќаат храна на која не се навикнати и чиј вкус не го препознаваат. Еве како да му помогнете на своето малечко полесно да ја направи неопходната транзиција во исхраната.
- Оброкот измешајте го со мајчино млеко или со формула. На тој начин вкусот на храната ќе му го доближите до оној на кој е навикнато.
- Опремете се! Пред да почнете да го храните со цврста храна, погрижете се да ги имате сите потребни елементи: столче за хранење, чинија, лажица…
- Почнете да го храните кога е одморено и расположено. Ако инсистирате да јаде кога е поспано или уморно, помали се шансите за „успешна мисија“.
- Храната што ја приготвувате за вашето дете треба да биде свежа, здрава и дозирана. Не претерувајте со обилни оброци!
- Доколку не успеете „од прва“, обидувајте се и понатаму! Експертите велат дека се потребни околу 15 обиди бебето да ја прифати храната. Затоа, не се разочарувајте, обидете се и следниот ден.
You must be logged in to post a comment Login