Викенд родители: како да се усклади професионалниот и семејниот живот

Со помош на неколку насоки, реорганизирајте го својот живот и не дозволувајте, заради недостаток на време, вашиот семеен однос да го загрози отуѓеност. Современиот начин на живот и големиот број обврски, влијае на тоа, постоечкиот термин „викенд татко“, сега рамноправно да се однесува и на мајките. Често, не е можно да се влијае на траењето на работното време, но доколку не сте им посветени доволно на своите деца, важно е да бидете свесни за можните последици: и по децата, и по вашиот однос со нив. Имено, дури кога ќе станете свесни за последиците, ќе посакате максимално да се потрудите, со што би го пронашле времето кое сега толку многу ви недостига.

Како да негувате добри односи со децата, наспроти краткото време?

Родителски авторитет. Најпрвo, не дозволувајте функцијата воспитување на вашитедеца да му ја предадете на некој друг, кој поминува повеќе време со нив. Имено, иако тие други личности можат да бидат квалификувани за таа работа (воспитувачките од градинка, бебиситерките, учителките…), или добронамерните и полни со љубов, баба и дедо – вие сте родител и неопходно е вашиот авторитет да биде основен, примарен и најважен.

Прераспределете ги обврските. Ако вашето работно време е од 8 до 16 часот, размислете колку преостанато, т.н. слободно време поминувате извршувајќи некои други работи (домашни обврски, телефонирање…). Пробајте да се реорганизирате. Намалете го времето поминато пред телевизор, во корист на вашето дете. Иако тоа може да изгледа како голем залак, бидејќи родителите пред телевизорот се опуштаат и релаксираат, сетете се дека времето кое може да го посветите на вашето дете, всушност, е ограничено на неколку години. Во предшколска возраст, родителите потполно се незаменливи, но веќе во основно училиште и социјализацијата со врсниците, потребата на детето од вас како соиграч и соговорник се намалува.

Потсетник. Заради премногуте обврски кои треба да ги завршите, се случува нешто да заборавите. Меѓутоа, пробајте да ги запишувате идеите кои ќе ви паднат на памет како можен начин да го поминете времето со децата (кино, прошетка, спорт…). Како што вашите деца имаат распоред за часови, така и вие направете план за приватни случувањаважни за вас и вашето семејство.