Како да го научите вашето дете да го користи часовникот?

Децата не го разбираат концептот на броеви, а пресметувањето на времето се сведува баш на броеви. Ние почнуваме од нула, наместо од бројот еден, часот има 60 минути, секоја минута 60 секунди, 24 часа на ден … Потоа , постојат часовници со стрелки, просторот меѓу два броја на часовникот  е пет минути или еден час (во зависност од тоа дали го гледате она што го прават големата или малата стрелка …), а тука се и дигиталните часовници …

Меѓутоа, со почетокот на училиште , повеќето децата имаат доволно знаење за нивната секојдневна животна средина и затоа усвојувањето на овие вештини  станува побрзо и спонтано.

• На предучилишна возраст , не оптеретувајте го детето со математиката. Детето на почетокот не знае доволно математички поими за да може да ги разбере фактите , како тоа дека една минута има 60 секунди, еден час е 60 минути. Наместо тоа, запознајте го со часовникот низ игра.

• Зборувајте со јазикот на детето, за  детето да може да ве разбере. Најдете ги активностите кои детето ги знае, кои се дел од неговиот секојдневен живот , а потоа зборувајте за тоа колку време траат. ” Колку долго јадете сладолед ? “, ” Како долго трае вашиот омилен цртан филм ? “, ” Колку долго спиеме ?” … Вежбајте го сознанието за време, според тоа дали активностите се краткорочни или долгорочни .

• Направете картон часовник со подвижни стрелки. Играјте си . Кога ќе ги поставите стрелките во одредена позиција , разговарајте со вашето дете за тоа што го правите во тоа време од денот. Прашувајте се меѓусебно и одговарајте , додека детето не сфати дека секој ден се случува нешто друго, и често ритамот и динамиката на овие настани зависи од часовникот. “Во колку часот одиш во градинка? “, ” Во колку часот е ручекот? “.