Состојки:
1 кг компири
40 г путер
малку сол, црн пипер, вегета
1 јајце
500 г мелено месо
100 г кашкавал (изрендан)
½ главица кромид (ситно сечкан)
1 лажичка сув лук
малку сол, црвен пипер, црн пипер
масло за готвење
Подготовка:
Компирите измијте ги, излупете ги, исечкајте ги на ситни парченца и сварете ги.
Со помош на виљушка, изгмечете ги, зачинете ги со сол и црн пипер и додадете го путерот. Измешајте и оставете ги да се оладат. Во оладеното пире од компир ставете едно јајце.
На малку масло за готвење, запржете го кромитчето, па потоа додадете мелено месо. Зачинете по желба (сол, црн и црвен пипер) и додадете лажичка суво лукче. Смесата тргнете ја да се олади и ставете рендан кашкавал.
Формирајте ја кнедлата. Земете 1-2 лажици од пирето, во средина ставете од меленото месо па повторно земете од пирето. Со раце формирајте топче.
Кнедлите пржете ги на загреано масло неколку минути. Испржени, оставете ги на кујнска хартија добро да се исцедат. Послужете ги свежа салатка. Бон апетит.
You must be logged in to post a comment Login