Од време на време е добро да се излезе од рутината и да се проба нешто ново. Почетокот на новите сезони будат посебна инспирација за експериментирање со нови бои, но и нови стилови, соодветни на сезоната. Оваа есен задржете ја едноставноста, фокусирајте се на темните усни, кафените очи и секогаш неизбежното, убавото и чисто лице. Ова се нашите три предлози за лесна и шик шминка.
Темни усни
Постојано сте со неутрални нијанси, розеви или црвени. Есента е тука, што значи дека на сцена доаѓаат темните и длабоки ниајнси. Експериментирајте со темно лила или бордо, а може и некоја темно кафена, соодвено на вашиот тен. Останатиот дел од лицето нека ви биде чист, нанесете пудра и коректор за ги покриете несовршеностите и нееднаквиот тен, за очите доволна ви е маскара.
Минималистички сјај
Кога веѓите ви изгледаат одлично, без многу труд ќе го комплетирате вашиот изглед, исчешлајте ги и корегирајте или надополнете со соодветно моливче. За минималистичкиот изглед не ви е потребно уште многу, само мат лила кармин и сјајна пудра на клучните точки како јаболчиците, носот, внатрешните ќошеви на очите и на средниот дел од очниот капак.
Чоколадни очи
Црното cat – eye е класика, но зошто не направите мала промена? Топлата, интензивна, чоколадно кафена боја е тоа што ви треба за уникатен изглед. Исто така и малите несовршености во шминката нема да бидат впечатливи како кај црната, што секако е голем плус.
You must be logged in to post a comment Login