Кога ќе чуете дека две 10-минутни сесии со скокање на јаже согоруваат 200 калории веројатно веднаш ќе скокнете од радост! Скокањето на јаже согорува повеќе од 10 калории во минута, и ги зацврстува вашите нозе, задник, рамена и раце. А и не треба да помине долго за да ги забележите првите резултати.
Скокањето на јаже е одлична кардио-вежба која можете да ја правите во секакви услови. Кога немате време за во вежбална, кога сте на патување или едноставно можете да ја вметнете меѓу која било друга активност. Скокајте на јаже од 3 до 5 пати во седмицата, правејќи по две десетминутни сесии со следниов ритам:
5 минути – скокање со двете нозе
Скокајте континуирано во едно место. Рамената дека ви бидат надолу, градите испакнати и скокајте нежно. Јажето вртете го со зглобовите, а не со рацете.
45 секунди – одмор
Легнете на стомак и од склек-позиција виткајте ги рацете така што ќе се потпирате на лактите, наместо на дланките. Лактите наместете ги веднаш под рамениците и нозете одвојте ги малку една од друга. Вдишувајте и издишувајте длабоко.
2 минути – скокање на една нога
Скокајте континуирано на една нога 30 секунди. Потоа сменете ја ногата и скокајте на другата 30 секунди. Повторете го ова два пати. Ногата која е дигната држете ја пред ногата на која скокате. Обидете се да не правите пауза кога ги менувате нозете.
2 минути – скокање на две нозе
Скокајте континуирано најбрзо што можете. Скокот треба да ви биде лесен, да не удирате на земја со нозете многу силно и градите да ви бидат исправени.
45 секунди – истегнување
Со колената и дланките потпрете се на под, така што колената ќе ви бидат под колковите, а дланките под рамената. Истегнете ја левата нога во висина на колкот, а истовремено десната рака во висина на увото. Вратете се на место и потоа истегнете ја обратната страна. Продолжете да менувате страни 45 секунди. Грбот треба да ви биде прав за целото време.
You must be logged in to post a comment Login