AC DC после четири години најавуваат турнеја и нов албум

Австралискиот  рок гигант AC DC закажаа турнеја по повод 40 години од постоењето на бендот.

За време на гостувањето на Brian Johnson на рок радио станицата во Флорида, со слушателите  ги сподели плановите на бендот за новиот албум и за турнејата која е во подготовки.

– Еден од нашите членови беше поприлично болен, па моравме да направиме мала пауза. Мислам дека ќе влеземе во студиото во Ванкувер и до мај ќе го завршиме албумот, што значи дека треба да почнеме со подготовки – изјави Johnson.

Исто така, додаде дека се поминати 40 години од основањето на бендот, така што овој период претставува вистинско време за започнување на турнеја.

– Мислам дека ќе се обидеме да направиме 40 концерти, 40 емисии и на тој начин да им се заблагодариме на нашите фанови за љубовта, верноста и лојалноста – додаде, истакнувајќи дека бендот нема организирано турнеја веќе четири години.