Потребни состојки:
- 150гр брашно
- 100гр густин (пченкарно брашно)
- 60гр шеќер
- 30гр какао
- 125гр путер
- 1 јајце
- 2 лажици слатка павлака или млеко
Фил:
- 100гр бело чоколадо
- 50мл слатка павлака
- 3 лажици ликер од кокос или рум
Глазура:
- 100гр чоколадо
- 3 лажици масло
Начин на подготовка:
Замесете тесто од наведените состојки, замотајте во фолија и ладете во фрижидер 30 минути. Тестото развлечете го тенко, со модли правете ѕвезди, а потоа со помала округла модла извадете ја средината на половина од ѕвездите. Печете на 190 степени околу 7-8 минути.
За фил, растопете бело чоколадо на пареа, додадете слатка павлака и кога малку ќе се олади додадете ликер. Премачкајте ги бисквитите без отвор.
За глазура, растопете чоколадо со малку масло, прелијте ги ѕвездичките со отвор и кога глазурата ќе се стегне споете ги со премачканите бисквити.
You must be logged in to post a comment Login