Ретко кој би можел да одолее на ваквиот крем. Постапката за приготвување на нутела крем е мошне едноставна. На крајот ќе добиете околу 1 кг од ова слатко задоволство.
Потребни состојки:
1 литар млеко
200 гр. путер
6 големи лажици брашно
6 големи лажици какао во прав
200 гр шеќер во прав
1 јајце
200 гр мелени лешници
Подготовка:
Ставете ги во сад какаото, брашното и шеќерот во прав, добро измешајте ги и потоа откако сте го направиле тоа додајте 1/2 л млеко и 1 јајце во истиот сад. Со миксер добро измешајте ја смесата.
Остатокот од 1/2 л млеко ставете го во тенџере на шпорет и мешајте го да не загори . Мешате додека не почне да врие млекото. Кога почнува да врие млекото , постепено додавате од претходно направената смеса и постојано мешате.
Лешникот треба што е можно најситно да се исецка и го додавате во смесата постепено. Намалете ја температурата на оганот да не загори смесата и мешајте се додека не се згусне смесата.
Потоа го додавате путерот и добро измешајте ја смесата повторно. Вака направената смеса ставете ја во фрижидер цела вечер за да може да се излади добро.
Вака приготвената нутела може да ја чувате во тегла во фрижидер и до 1 месец. Уживајте во преубавиот вкус без конзерванси и адитиви.
You must be logged in to post a comment Login