• Сподели на:

Супер лесни маски за лице

___

Одржувањето на чиста и здрава кожа може да биде вистински предизвик. Затоа решивме да ви го олесниме одржувањето на кожата со предлог маски кои се целосно природни и можете да ги направите сами со состојки кои се лесно достапни во вашите фрижидери.

Секако, прво и основно правило е да пиете многу вода и да ставате крема за хидратација.

Мед – Употребете мек пешкир и млака вода за да ги отворите порите на лицето. Размачкајте го медот на кожата и оставете го 15 до 30 минути. Измијте го лицето со топла вода и исушете го со мек пешкир и ладна вода за да ги затворите порите.

Жолчка од јајце – Размачкајте ја на лицето и вратот и оставете да делува 30 минути. Измијте се со ладна вода.

Белка од јајце – Изматете ја белката додека не стане пенеста и нанесете ја на лицето. Почекајте додека се исуши и измијте ја со топла вода.

Грозје – Исечете зрно грозје на половина и истријте го преку целото лице.

Банана – Изгмечете една презреана банана и размачкајте ја на лицето. Измијте го лицето по 15 до 20 минути, со топла вода.

Јогурт – Нанесете го на лицето откако детално ќе го исчистите и оставете го да дејствува 15 до 20 минути.

Јаболков оцет – Разводнете го оцетот со вода и нанесете го на лицето со памук како тонер, по миење на лицето секој ден и секоја вечер.

Маслиново масло – Намачкајте на усните (ако ви се испукани) пред да си легнете или намачкајте го лицето преку ноќ.

Сода бикарбона – Употребете ја како ексфолијант за лице и додадете ја во редовниот “чистач” за лице.

Млеко – Да, млеко. Размачкајте го на лицето со памук, оставете да се зацврсне. Измијте се со топла вода. По ова кожата ќе ви биде супер мека.


Оставете коментар

___